მთავრობის აპარატი
ახალი ამბები
საქართველოს სპორტის სამინისტროს ორგანიზებით 2025 წლის საუკეთესო სპორტსმენის დაჯილდოების ცერემონია გაიმართა. ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე დაესწრო.
დაჯილდოების ცერემონიაზე სიტყვით საქართველოს პრემიერ-მინისტრი ირაკლი კობახიძე გამოვიდა, რომელმაც სპორტსმენებს განსაკუთრებული მადლობა გადაუხადა და წლის საუკეთესო მამაკაცი სპორტსმენის ნომინაციაში გამარჯვებული მოფარიკავე სანდრო ბაზაძე დააჯილდოვა.
სპორტსმენების ისტორიულ შედეგებზე ისაუბრეს და შემდგომი წარმატებები უსურვეს საქართველოს პრეზიდენტმა მიხეილ ყაველაშვილმა, პარლამენტის თავმჯდომარე შალვა პაპუაშვილმა და სპორტის მინისტრმა შალვა გოგოლაძემ.
2025 წლის საუკეთესო პარასპორტსმენი მამაკაცის ნომინაციაში გამარჯვებული აფხაზეთიდან დევნილი გიორგი ქალდანი გახდა.
ჯილდოები ასევე გადაეცათ: წლის საუკეთესო ქალი სპორტსმენი - ეთერ ლიპარტელიანი, წლის საუკეთესო ნაკრები გუნდი - საქართველოს ძიუდოს ეროვნული ნაკრები, წლის საუკეთესო გუნდი სათამაშო სპორტულ სახეობებში - საქართველოს კალათბურთის ეროვნული ნაკრები, წლის საუკეთესო სპორტსმენი არაოლიმპიურ სახეობებში - თემურ სამხარაძე, წლის საუკეთესო პარასპორტსმენი ქალი - ანა ჯაფარიძე, წლის საუკეთესო ახალგაზრდა სპორტსმენი - ვახტანგ ლოლუა.
სპორტსმენების დაჯილდოების ღონისძიებას თბილისის მერი კახა კალაძე, საქართველოს აღმასრულებელი და საკანონმდებლო ხელისუფლების წევრები და სპორტული საზოგადოების წარმომადგენლები ესწრებოდნენ.
აფხაზეთის ავტონომიური რესპუბლიკის ფინანსთა და ეკონომიკის მინისტრმა თენგიზ ნასარიძემ სამინისტროს მიერ 2025 წელს გაწეული საქმიანობის ანგარიში წარადგინა.
მინისტრმა ძირითადი ყურადღება ბიუჯეტის ზრდაზე, სტრატეგიულ დაგეგმვაზე და რესურსების ოპტიმიზაციაზე გაამახვილა. ხაზი გაუსვა ახალგაზრდების ჩართულობისა და დევნილ მეწარმეთა მხარდაჭერის გაზრდის აუცილებლობას. მოხსენების ფარგლებში, მინისტრმა ასევე სამინისტროს 2026 წლის სტრატეგიაზე ისაუბრა.
მოხსენების შემდეგ, ღონისძიებაზე მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარდგა, რომელმაც ბიუჯეტის უპრეცედენტო ზრდასა და 2026 წელს დაგეგმილ სიახლეებზე ისაუბრა.
ღონისძიების ბოლოს აფხაზეთის მთავრობის თავმჯდომარემ და ფინანსთა და ეკონომიკის მინისტრმა აფხაზეთიდან დევნილი სამი მეწარმე ქალი დააჯილდოვეს, რომლებმაც სამინისტროს მიერ გამოცხადებული პროგრამის ფარგლებში გრანტი მიიღეს. ასევე სპეციალური ჯილდო გადაეცათ კერძო სექტორის წარმომადგენლებს, რომლებიც აფხაზეთის ფინანსთა და ეკონომიკის სამინისტროსთან აქტიურად თანამშრომლობენ.
ანგარიშს საქართველოს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ლია გიგაური, აფხაზეთის მთავრობის წევრები, უმაღლესი საბჭოს დეპუტატები და „აწარმოე საქართველოში“ წარმომადგენლები ესწრებოდნენ.
საქართველოს საპატრიარქოს ორგანიზებით სამეცნიერო კონფერენცია „ოკუპირებული აფხაზეთი - კულტურული მემკვიდრეობა, წარსული და თანამედროვეობა“ გაიმართა.
მონაწილეებს მისასალმებელი სიტყვებით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, საქართველოს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი), საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, აფხაზეთის უმაღლესი საბჭოს თავმჯდომარე ჯემალ გამახარიამ და სხვა მოწვეულმა სტუმრებმა მიმართეს.
სამეცნიერო სესიებში ქართველმა და უცხოელმა მკვლევრებმა, ისტორიისა და ჰუმანიტარულ მეცნიერებათა დარგის მეცნიერებმა და უნივერსიტეტების პროფესორ-მასწავლებლებმა მიიღეს მონაწილეობა. მოხსენებები ოკუპირებული აფხაზეთის ისტორიის ფალსიფიკაციის პრობლემებს, კულტურული მემკვიდრეობის მდგომარეობას ოკუპაციის პირობებში, ენობრივ-იდენტობის საკითხებსა და დიასპორების როლს შეეხებოდა.
კონფერენცია სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის აღსაყდრებიდან 48-ე და დაბადებიდან 93-ე წლისთავს ეძღვნებოდა და მიზნად ისახავდა ოკუპირებულ რეგიონებთან დაკავშირებული კულტურული, ენობრივი და საინფორმაციო გამოწვევების სამეცნიერო გააზრებასა და ამ მიმართულებით თანამშრომლობის გაღრმავებას.
საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეხვედრა „ელჩების კონფერენცია 2025“ გაიხსნა. ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე დაესწრო.
კონფერენცია საქართველოს საგარეო საქმეთა მინისტრმა მაკა ბოჭორიშვილმა გახსნა, რომელმაც დიპლომატიური კორპუსის წარმომადგენლებს ქვეყნის ინტერესების დასაცავად გაწეული სამსახურისთვის მადლობა გადაუხადა.
ღონისძიებაზე დამსწრე საზოგადოებას ასევე სიტყვით მიმართეს და ქვეყნის პრაგმატულ პოლიტიკასა და საერთაშორისო ურთიერთობების მნიშვნელობაზე ისაუბრეს საქართველოს პრეზიდენტმა მიხეილ ყაველაშვილმა, პრემიერ-მინისტრმა ირაკლი კობახიძემ, პარლამენტის თავმჯდომარე შალვა პაპუაშვილმა და პატრიარქის ქორეპისკოპოსმა, ახალციხისა და ტაო-კლარჯეთის მიტროპოლიტმა თეოდორემ, რომელმაც დიპლომატებს პატრიარქის მიმართვა გააცნო.
ელჩების ყოველწლიური კონფერენცია ოთხი დღის განმავლობაში გაგრძელდება და 25 დეკემბერს დასრულდება.
აფხაზეთის ავტონომიური რესპუბლიკის მთავრობის შემადგენლობაში საკადრო ცვლილება განხორციელდა. აფხაზეთის განათლებისა და კულტურის მინისტრად გიორგი ძაძამია დაინიშნა. მან ამ თანამდებობაზე ბექა ღვაჩლიანი შეცვალა.
ახლად დანიშნული მინისტრი აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ დღეს სამინისტროს თანამშრომლებს პირადად წარუდგინა.
მთავრობის თავმჯდომარემ მის გამოცდილებას გაუსვა ხაზი და ახალი მინისტრის პირობებში განათლების მიმართულების გაძლიერებასა და სამომავლო ხედვებზე ისაუბრა. ასევე გაწეული საქმიანობისთვის ბექა ღვაჩლიანს მადლობა გადაუხადა და წარმატებები უსურვა.
გიორგი ძაძამია 1989 წლის 25 აგვისტოს სოხუმში დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სოციალური და პოლიტიკური მეცნიერებების ფაკულტეტი, ასევე პოლიტიკის თეორიების სამაგისტრო პროგრამა.
მას საჯარო სექტორში ხანგრძლივი მუშაობის გამოცდილება აქვს. მუშაობდა საქართველოს თავდაცვის სამინისტროში სხვადასხვა პოზიციებზე. მინისტრად დანიშვნამდე იყო აფხაზეთის ავტონომიური რესპუბლიკის მთავრობის აპარატის უფროსი.
ყოველწლიური პროექტის „მე აფხაზეთისთვის“ მონაწილეთა 2025 წლის დაჯილდოება გაიმართა.
აფხაზეთის მთავრობის თავმჯდომარის გადაწყვეტილებით, ღონისძიების მთავარი ჯილდო სრულიად საქართველოს კათოლიკოს-პატრიარქს, უწმინდესი და უნეტარესს ილია მეორეს გადაეცა.
„დღევანდელი ღონისძიება, სხვა წლებისგან განსხვავებით იმით გამოირჩევა, რომ ჩვენ ამ ჯილდოს პირველ რიგში გადავცემთ უწმინდესსა და უნეტარესს ჩვენს პატრიარქს ილია II-ს და მე მაქვს იმის პატივი, რომ პირადად მას გადავცე აღნიშნული ჯილდო შობის დღესასწაულზე. ჩვენ გვჯერა, რომ მისი ლოცვა-კურთხევით აუცილებლად დავბრუნდებით ჩვენ მიწა-წყალზე აფხაზეთში“, - განაცხადა გიორგი ჯინჭარაძემ.
ღონისძების ფარგლებში ასევე სხვადასხვა სფეროში მოღვაწე 12 წარმატებული ადამიანი დაჯილდოვდა, რომლებმაც საკუთარი ნიჭითა და დაუღალავი შრომით აფხაზეთის სახელი არაერთ წარმატებას დაუკავშირეს.
2025 წლის ჯილდოს მფლობელები გახდნენ: სახელმწიფო და საზოგადო მოღვაწე ზურაბ ერქვანია, პროფესორი და მეცნიერი რევაზ სულუხია, სახელმწიფო მოღვაწე გოგი ფაცაცია, ფილოლოგი და მკვლევარი ნატო მარშანია, მხატვარი დავით გუა (ბაძაღუა), ჟურნალისტი ნანა ჭანტურია, მეცნიერი და პროფესორი ოთარ ჟორდანია, მსახიობი ლილი ხურითი, სუმოისტი ლევან ცაგურია, ტელეწამყვანი და „მე აფხაზეთისთვის“ იდეის ავტორი, ტელეწამყვანი ლიკა კვარაცხელია, მუსიკოსი ზვიად ბოლქვაძე და ჭიათურისა და საჩხერის ეპარქიის მიტროპოლიტი მეუფე დანიელი (დათუაშვილი).
ნომინანტებს სპეციალური პრიზები აფხაზეთის უმაღლესი საბჭოს თავმჯდომარე ჯემალ გამახარიამ და აფხაზეთის განათლებისა და კულტურის მინისტრმა ბექა ღვაჩლიანმა გადასცეს.
პროექტი „მე აფხაზეთისთვის“ აფხაზეთის კულტურის, სპორტისა და ახალგაზრდობის სააგენტოს ორგანიზებით მეექვსე წელია, იმართება.
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე საქართველოს პარლამენტში, კულტურის კომიტეტისა და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის ერთობლივ სხდომაზე მოხსენებით წარსდგა.
ერთობლივ სხდომას საქართველოს პარლამენტის კულტურის კომიტეტის თავმჯდომარე გიორგი გაბუნია და პარლამენტის თავმჯდომარის პირველი მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი უძღვებოდნენ.
მოხსენებაში მთავრობის თავმჯდომარემ დეტალურად ისაუბრა ოკუპირებული აფხაზეთის ტერიტორიაზე არსებული კულტურული მემკვიდრეობის მძიმე მდგომარეობაზე. მან ყურადღება გაამახვილა იმ საფრთხეებსა და გამოწვევებზე, რომელთა წინაშეც ქართული ისტორიული ძეგლები დგას, მათ შორის ძეგლების თვითნებური რეკონსტრუქციებისა და ავთენტურობის დაკარგვის რისკებზე.
მთავრობის თავმჯდომარემ განსაკუთრებული ყურადღება გაამახვილა საზოგადოების ინფორმირებულობის გაზრდისა და პროფესიული წრეების ჩართულობის აუცილებლობაზე.
კომიტეტისა და კომისიის ერთობლივ სხდომას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, კულტურის მოღვაწეები და დარგის ექსპერტები დაესწრნენ.
აფხაზეთის ავტონომიური რესპუბლიკის მთავრობის თავმჯდომარის გიორგი ჯინჭარაძის ხელმძღვანელობით მთავრობის მორიგი სხდომა გაიმართა, სადაც მთავრობის წევრებმა 2026 წლის ბიუჯეტის უპრეცედენტო, 30%-იან ზრდაზე იმსჯელეს.
გიორგი ჯინჭარაძის განცხადებით, ბიუჯეტის მატებისა და ადმინისტრაციული ხარჯების ოპტიმიზაციის შედეგად მნიშვნელოვნად იზრდება პროგრამების დაფინანსება ჯანდაცვის, განათლებისა და კულტურის, ინფრასტრუქტურული პროექტების და სამშვიდობო ინიციატივებისა და ინტეგრაციის მიმართულებით.
„ჩვენი გუნდის სულ რამდენიმეთვიანი საქმიანობის პერიოდში, უშუალოდ შევხვდით და უწყვეტი კომუნიკაცია გვქონდა მოსახლეობასთან, რის საფუძველზეც მოვახდინეთ საჭიროებების დეტალური კვლევა და მომდევნო წლის ბიუჯეტის პრიორიტეტებში ასახვა.
2026 წელს, აფხაზეთის ავტონომიური რესპუბლიკის ბიუჯეტი 30%-ით იზრდება, რასაც ემატება ადმინისტრაციული ხარჯების ოპტიმიზაციის შედეგად მიღებული დამატებითი ფინანსური რესურსები. ამ ყველაფერმა ერთობლივად, პროგრამების დაფინანსების უპრეცედენტო ზრდის შესაძლებლობა მოგვცა.
• დევნილთა ინფრასტრუქტურული მხარდაჭერის პროგრამებში 330%-იანი ზრდა არის გათვალისწინებული.
• ჯანმრთელობის დაცვის პროგრამების დაფინანსება 187%-ით იზრდება.
• 97%-იანი ზრდაა ნდობის აღდგენისა და სამოქალაქო ინტეგრაციის მხარდამჭერი პროგრამების მიმართულებით.
• დევნილთა სამეწარმეო საქმიანობის მხარდაჭერის პროგრამების დაფინანსებაში 65%-იანი ზრდაა გათვალისწინებული.
• განათლების, კულტურისა და სპორტის მხარდამჭერი პროგრამები კი 32%-ით იზრდება.
განსაკუთრებული მადლობა მინდა გადავუხადო საქართველოს მთავრობას და უშუალოდ პრემიერ-მინისტრს, ბატონ ირაკლი კობახიძეს უპრეცედენტო მხარდაჭერისთვის“, - განაცხადა გიორგი ჯინჭარაძემ.
სხდომაზე ასევე დღის წესრიგით გათვალისწინებული სხვა მიმდინარე საკითხები განიხილეს.
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე ოკუპირებული აფხაზეთის რეგიონიდან წარჩინებული სტუდენტის დიმიტრი გულიას სახელობის სახელმწიფო სტიპენდიატის დაჯილდოების ცერემონიას დაესწრო.
დაჯილდოების ცერემონიაზე დამსწრე საზოგადოებას სიტყვით მიმართეს გიორგი ჯინჭარაძემ, შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა, საქართველოს პარლამენტის თავმჯდომარის პირველმა მოადგილე გიორგი ვოლსკიმ და განათლების, მეცნიერების და ახალგაზრდობის მინისტრის მოადგილე ბაია კვიციანმა.
2025-2026 სასწავლო წელს დიმიტრი გულიას სახელობის სტიპენდიატი გახდა გიორგი გამისონია, რომელსაც შერიგებისა და სამოქალაქო ინტეგრაციის საკითხებში სახელმწიფო მინისტრმა თეა ახვლედიანმა სტიპენდია და შესაბამისი სერტიფიკატი გადასცა.
სტიპენდიის მფლობელმა ოკუპირებული აფხაზეთის რეგიონის, გალის რაიონის სოფელ საბერიოს საშუალო სკოლა დაამთავრა და ერთიანი ეროვნული გამოცდების წარმატებით ჩაბარების შედეგად სტუდენტი გახდა. სახელობითი სტიპენდია 600 ლარის ოდენობით მას ყოველთვიურად ოთხი სასწავლო წლის განმავლობაში გადაეცემა.
დიმიტრი გულიას სახელობის სტიპენდია 2018 წლიდან სახელმწიფო მინისტრის აპარატის ინიციატივითა და განათლების, მეცნიერების და ახალგაზრდობის სამინისტროს მხარდაჭერით დაარსდა და განკუთვნილია ოკუპირებული ტერიტორიებიდან იმ სტუდენტებისთვის, რომლებიც ერთიან ეროვნულ გამოცდებზე საუკეთესო შედეგებს აჩვენებენ.
აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა სამინისტროს 2025 წლის საქმიანობის ანგარიში წარადგინა.
ბესიკ კუსიდიმ მოხსენებაში ყურადღება გაამახვილა იმ პროგრამებსა და პროექტებზე, რომელიც აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის საჭიროებებიდან გამომდინარე მიმდინარე წელს განხორციელდა. მოხსენების ფარგლებში, მინისტრმა ასევე სამინისტროს 2026 წლის გეგმები წარადგინა.
ღონისძიებაზე მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარდგა, რომელმაც სამინისტროს პროგრამული ნაწილის დაფინანსების უპრეცედენტო ზრდასა და საქართველოს მთავრობის ხელშეწყობით ჯანდაცვის მიმართულებით სამომავლოდ დაგეგმილ სიახლეებზე ისაუბრა.
ღონისძიების ბოლოს აფხაზეთის მთავრობის თავმჯდომარემ და ჯანდაცვის მინისტრმა აფხაზეთიდან დევნილი და ოკუპირებულ ტერიტორიაზე მცხოვრები მოქალაქეების ჯანმრთელობაზე ზრუნვის საქმეში შეტანილი განსაკუთრებული და უანგარო წვლილისთვის პარტნიორი კლინიკებისა და ორგანიზაციების წარმომადგენლები მადლობის სიგელებით დააჯილდოვეს.
ანგარიშს საქართველოს პარლამენტის პირველი ვიცე-სპიკერი გიორგი ვოლსკი, აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნინო ნიჟარაძე, საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის მთავრობის წევრები, უმაღლესი საბჭოს დეპუტატები და ჯანდაცვის სფეროს წარმომადგენლები ესწრებოდნენ.